Rusiyanın Xabarovsk şəhərində boks üzrə Konstantin Korotkov Memorialına yekun vurulub.
Azərbaycan Boks Federasiyasının(ABF) mətbuat xidmətindən verilən məlumata görə, millimiz yarışı 5 medalla başa vurub.
Komandamızın heyətində Maqsud Xasmetov (60 kq) turnirin qalibi adını qazanıb. O, finalda Dilşod Abdumurodova (Özbəkistan) qalib gəlməklə Xabarovskda Azərbaycan Himnini səsləndirib.
Xasmetovdan fərqli olaraq, Ruslan Rüstəmov (63,5 kq) finalda məğlub olub. Həlledici görüşdə Sandan Sandarov (Rusiya) qalib gəldiyindən boksçumuz gümüş medala yiyələnib.
Digər təmsilçilərimizdən Ümid Rüstəmov (57 kq), İlqar Salahov (67 kq) və Mirşərif Kazımzadə (75 kq) üçüncü yeri tutub.
Beləliklə, millimiz Memorialı 1 qızıl, 1 gümüş və 3 bürünc medalla yekunlaşdırıb.
Azərbaycanlı ədalət təmsilçisi Qalib Əbiyev isə yarışın ən yaxşı 5 hakimi sırasında yer alıb.
jpg-1721726907.jpg)
