Alfonso Dominqes: “Qismətimdə gümüş medal qazanmaq var imiş” - MÜSAHİBƏ

Olimpizm xəbərləri

10.08.2024, 16:08

Paris-2024 Yay Olimpiya Oyunlarının boks yarışlarında gümüş medal qazanan idmançımız Alfonso Dominqes (92 kq) final görüşündən dərhal sonra ölkəmizin media nümayəndələrinə müsahibə verib. İkiqat Olimpiya mükafatçısı qələbə sevincini KİV-lərlə bölüşüb. Həmin müsahibəni oxuculara təqdim edirik.

- Azarkeşlər səndən qızıl medal gözləyirdi. Həlledici mərhələdə Olimpiya qızılını qazanmaq üçün nə mane oldu? - Bu gün mənim günüm deyildi. İstədiklərimi rinqdə edə bilmədim. Buna görə də qızıl medalı əldən verdim. Rəqibim də yetərincə güclü idmançı idi. Düşünürdüm ki, rinqdə daha yaxşı döyüş nümayiş etdirərəm. Amma alınmadı. Rəqib məndən daha güclü idi və döyüşü qələbə ilə başa vurdu.

- Özbəkistanlı idmançının texniki imkanlarını təhlil etmək üçün kifayət qədər vaxtın oldu. Həmin vaxt onun səndən güclü olduğunu düşünürdün? - Döyüşdən əvvəl rəqibimin texniki xüsusiyyətlərini yaxşı təhlil etmişdim. Lakin düşünürdüm ki, döyüşüb qələbə qazanmaq olar. Baxmayaraq ki, rəqib güclü idi, amma bununla belə öz taktikamı da qurmuşdum. Nədənsə taktikam alınmadı.

- Yarımfinal və final yarışları arasında beş gün vaxt var idi. Aradakı bu fasilə sənin döyüşünə təsir etdimi? - Xeyr, bu uduzmağıma bəhanə ola bilməz. Mən elə bir idmançıyam ki, uduzanda da öz məğlubiyyətimi qəbul edirəm. Heç bir bəhanələrə sığınmıram. Heç bir təzyiq də yox idi. Sadəcə olaraq, döyüşüm alınmadı. Amma buna baxmayaraq, Paris-2024-dəki çıxışımı uğurlu hesab edirəm. Tokio-2020-də əldə etdiyim bürünc medalı yaxşılaşdırdım. Azərbaycanın boks tarixində Olimpiya Oyunlarında ardıcıl iki medal qazanan ilk boksçu oldum. Fürsətdən istifadə edib, məni dəstəkləyən hər kəsə minnətdarlığımı bildirirəm.

- Tokio-2020-də bürünc, Paris-2024-də isə gümüş medal qazandın. Belə çıxır ki, azarkeşlər qızıl medal üçün Los-Anceles-2028-i gözləməlidir? - Düzdür, medalın əyarından razı deyiləm. İstərdim ki, Azərbaycana qızıl medalla qayıdım. Gümüş medal da pis nəticə deyil. Bütün idmançının arzusu qızıl medal qazanmaqdır. Amma bu, biz istəməklə olmur. Qismətində nə varsa, o da olacaq. Deməli, qismətimdə gümüş medal qazanmaq var imiş. Finala qədər bütün rəqiblərimə qalib gəldim. Bunun üçün Allaha şükür edirdim. Bu gün də yatmazdan əvvəl Allahıma şükür edəcəyəm ki, mənə gümüş medal qazanmağı nəsib etdi. Qarşıdakı məqsədim növbəti oyunlarda Olimpiya çempionu olmaqdır. arzusunu reallaşdırmaqdır. Söz verirəm ki, Los-Anceles-2028-də Azərbaycana qızıl medal qazandıracağam.

Dİgər xəbərlər

Bugün, 10:35

Bu gün Azərbaycan Kubokunun qalibi müəyyənləşəcək

09.05.2026, 18:18

Hərbi vətənpərvərlik mahnılarının gənc nəslin milli mənlik şüurunun formalaşmasında rolu böyükdür

07.05.2026, 23:00

Soçidə XXII Qış Olimpiadasının təntənəli açılışı keçiriləcək

07.05.2026, 14:35

AVF rəsmisi CEV-in Maliyyə Komissiyasının iclasında iştirak edib

18.02.2026, 15:04

Milan-Kortina-2026: Anastasiya Papatoma növbəti mərhələyə vəsiqə qazanıb

$\"Göstərdiyim nəticəyə görə xalqımdan üzr istəyirəm\"$

17.02.2026, 19:15

"Göstərdiyim nəticəyə görə xalqımdan üzr istəyirəm"

17.02.2026, 18:15

Milli komanda Trampı İtaliyaya dəvət edə bilər

17.02.2026, 15:38

Anasının vətənində ilk qızıl medal əldə edən idmançı oldu

17.02.2026, 13:11

Azərbaycan nümayəndə heyəti Kortina-Ampetso şəhərindədir

17.02.2026, 12:27

Gürcüstandan Qış Olimpiadasında tarixi uğur

17.02.2026, 11:50

Avstriyalı idmançı ayaqqabıya görə cəzalandı

16.02.2026, 18:13

Mehriban Əliyeva yenidən Azərbaycan Gimnastika Federasiyasının prezidenti seçilib

SON XƏBƏRLƏR

BÜTÜN XƏBƏRLƏR