Fransanın paytaxtı Parisdə keçirilən XXXIII Yay Olimpiya Oyunlarının bədii gimnastika yarışlarında son medal dəsti uğrunda mübarizəyə start verilib. Qrup hərəkətləri üzrə komandaların final mərhələsində Azərbaycan komandası da mübarizə aparır. Ötən gün 8-ci pilləni tutaraq həlledici mərhələyə vəsiqə qazanan bədii gimnastika üzrə qrup hərəkətləri komandamız bu gün ilk çıxışını başa vurub. 5 halqa ilə bacarığını göstərən Zeynəb Hümmətova, Ləman Əlimuradova, Darya Sorokina, Güllü Ağalarzadə və Yelizaveta Luzandan ibarət millimizin çıxışını hakimlər 34,850 xalla qiymətləndiriblər. Bütün komandaların çıxışından sonra komandamızın yekun mövqeyi müəyyənləşəcək.
Paris-2024: Bədii gimnastika üzrə qrup hərəkətləri komandamız final mərhələsində ilk çıxışını başa vurdu
jpg-1735119450.jpg)
