Bədii gimnastika üzrə qrup hərəkətləri komandamız Paris-2024 Yay Olimpiya Oyunlarında növbəti çıxışını başa vurub. Zeynəb Hümmətova, Darya Sorokina, Ləman Əlimuradova, Güllü Ağalarzadə və Yelizaveta Luzandan ibarət komandamız bu dəfə 3 lent və 2 topla hərəkətləri icra edib. Komandamızın çıxışı hakimlər tərəfindən 31.600 xalla qiymətləndirilib. Təmsilçilərimiz daha əvvəl 5 halqa ilə icra etdikləri çıxışa görə hakimlərdən 34,850 xal almışdılar. Millimiz hazırda iki hərəkətə əsasən 66,450 xal toplayıb. Bütün komandaların çıxışından sonra komandamızın yekun mövqeyi müəyyənləşəcək.
Qeyd edək ki, bədii gimnastika üzrə qrup hərəkətləri komandamız ötən gün 8-ci pilləni tutaraq final mərhələyə vəsiqə qazanıb.
