Bu gün futbol üzrə Azərbaycan Premyer Liqasında VI turun daha iki oyunu keçiriləcək. Şamaxı şəhərinin eyniadlı komandası doğma meydanda "Sumqayıt"ı qəbul edəcək. Şamaxı şəhər stadionunda təşkil olunacaq görüş saat 16:30-da başlayacaq. Günün ikinci oyununda "Qarabağ" "Səbail"lə qarşılaşacaq. "Azərsun Arena"da təşkil olunacaq oyuna saat 19:00-da start veriləcək.
Xatırladaq ki, açılış matçında "Araz-Naxçıvan" "doğma divarlar" arasında "Kəpəz"ə 1:0 hesabı ilə qalib gəlib. Tura sabah təşkil olunacaq "Zirə" - "Neftçi", "Sabah" - "Turan Tovuz" oyunları ilə yekun vurulacaq.
