“5 Mart - Bədən Tərbiyəsi və İdman Günü münasibəti ilə idman ictimaiyyətinin nümayəndələrini təbrik edirəm”.
Bu sözləri Azərbaycan Taekvondo Federasiyasının vitse-prezidenti Niyaməddin Paşayev "Hərbi Qənimətlər Parkı”nda 5 Mart - Bədən Tərbiyəsi və İdman Günü münasibətilə MOK-un təşəbbüsü ilə keçirilən ağacəkmə aksiyası zamanı deyib.
Dünya çempionu idman günü ilə bağlı aksiyada keçmiş idmançı və Dövlət Sərhəd Xidmətinin nümayəndəsi kimi iştirak etdiyinə görə qürur duyduğunu bildirib:
“2024-cü ildə uğur qazanmış idmançıları, onların məşqçilərini təbrik edirəm. 5 mart biz idmançıların və idman xadimlərinin bayramıdır. İdmanda əziyyəti olanların hamısını bayram münasibəri ilə təbrik edir, onlara 2025-ci ildə uğurlar arzulayıram. Bu gün belə bir aksiyada iştirak etdiyimə görə sevinirəm.”
