Martın 19-dan 21-dək Yunanıstanın Kosta Navarino şəhərində BOK-un 144-cü sessiyası keçiriləcək.
Sessiyası ərəfəsində Olimpiya gündəmindəki on əsas mövzu açıqlanıb. «Olimpiya Oyunları-yeni dövr oyunları», «İdmançılar diqqət mərkəzindədir», «Həmrəylik», «Qaçqınların Olimpiya komandası və "Olimpiya sığınacağı"Fondu», «Gender bərabərliyi», «Davamlı inkişaf», «Uyğunluq», «Rəqəmsallaşdırma», «Etibar və effektiv idarəetmə» və «İqtisadi və maliyyə davamlılığı» mövzusunda çıxışlar tədbirdə dinləniləcək.
Qeyd edək ki, həmin tarixdə BOK-un 10-cu prezidenti seçiləcək. BOK-un prezidentliyinə 7 nəfər - Sebastyan Koe (Beynəlxalq Atletika Federasiyasının prezidenti), Morinari Vatanabe (Beynəlxalq Gimnastika Federasiyasını prezidenti), David Lapartian (Beynəlxalq Velosipedçilər İttifaqının prezidenti), Yohan Elias (Beynəlxalq Xizək və Snoubord Federasiyasının prezidenti), Xuan Antonio Samaranç-kiçik (Beynəlxalq Olimpiya Komitəsinin vitse-prezidenti), Faysal Əl-Hüseyn (BOK-un İcraiyyə Şurasının üzvü) və Kirsti Koventri (üzgüçülük üzrə ikiqat Olimpiya çempionu) namizəddir.
