Yüksək Liqada yarımfinal oyunlarının proqramı müəyyənləşib

Olimpizm xəbərləri

14.04.2025, 18:13

Qadın və kişi voleybolçuların Yüksək Liqalarında yarımfinalçılar bəlli olub.

Azərbaycan Voleybol Federasiyasından verilən məlumata görə, qadınların mübarizəsində dövrə oyunlarından sonra turnir cədvəlində ilk 4 pillədə qərarlaşan “Abşeron”, “Milli Aviasiya Akademiyası”, “Azərreyl” və “Gəncə” komandaları pley-offa vəsiqə qazanıblar. Beşinci yeri tutan “Murov Az Terminal” və sonuncu olan UNEC isə ölkə birinciliyində mübarizəni dayandırıblar.

Yarımfinalda çempionatın lideri “Abşeron” dördüncü yerin sahibi “Gəncə” klubu ilə görüşəcək. Digər yarımfinal matçı isə “Milli Aviasiya Akademiyası” (2-ci yer) və “Azərreyl” (3-cü yer) kollektivləri arasında baş tutacaq.

Kişilərin mübarizəsində isə dövrə oyunlarının nəticələrinə görə, yarımfinalda turnir cədvəlinin birincisi olan “Murov Az Terminal” dördüncü yerin sahibi “Neftçi” ilə, ikinci olan “Azərreyl” isə üçüncü yeri tutan “Xilasedici” ilə qarşılaşacaq. Turnir cədvəlində 5-ci və 6-cı yerlərdə olan MOİK və “Gənclər” komandaları ölkə birinciliyində mübarizəni dayandırıblar.

Qeyd edək ki, qadınlar arasında yarımfinal oyunları aprelin 15-17-də, kişilərdə isə 16-18-də keçiriləcək. Bu mərhələ iki qələbəyədək davam edəcək. İki oyundan sonra tərəflər hərəyə bir qələbə qazanarlarsa (xallar da bərabər olarsa), finala vəsiqənin sahibi Qızıl Setdə müəyyənləşəcək.

Yarımfinal oyunlarının təqvimi

Qadınlar (1-ci oyun)

15 aprel

15:00. “Abşeron” - “Gəncə”

17:00. “Milli Aviasiya Akademiyası” - “Azərreyl”

Gənclər və İdman Nazirliyinin Voleybol Mərkəzi

Kişilər (1-ci oyun)

16 aprel

15:00. “Murov Az Terminal” - “Neftçi”

17:00. “Azərreyl” - “Xilasedici”

Gənclər və İdman Nazirliyinin Voleybol Mərkəzi

Qadınlar (2-ci oyun)