Jalə Əliyeva: “Ardıcıl ikinci dəfə İslam Oyunlarının qalibi olmaq qürurvericidir” - MÜSAHİBƏ

Müsahibə

08.12.2025, 21:43

Azərbaycan qadın güləşinin son illərdə yetişdirdiyi ən parlaq simalardan biri olan Jalə Əliyeva növbəti dəfə adını qızıl hərflərlə tarixə yazdırdı.

57 kq çəki dərəcəsində mübarizə aparan idmançımız VI İslam Həmrəyliyi Oyunlarında bütün rəqiblərinə qalib gələrək ardıcıl ikinci dəfə bu mötəbər yarışın çempionu oldu. O, İslamiadada ilk qızılını 2022-ci ildə Türkiyənin Konya şəhərində keçirilən V İslam Həmrəyliyi Oyunlarında qazanmışdı. Jalə Əliyeva İslamiadada əldə etdiyi və gələcək planları barədə Olimpnews.az saytına müsahibə verib. Həmin müsahibəni oxuculara təqdim edirik.

- Jalə xanım, VI İslam Həmrəyliyi Oyunlarında qazandığınız çempionluq ölkəmiz üçün xüsusi əhəmiyyət daşıyır. Bu mötəbər yarışa hazırlıq prosesi necə keçdi? Sizin üçün ən çətin mərhələ hansı oldu?

- VI İslam Həmrəyliyi Oyunlarında qızıl medal qazanmaq mənim üçün həm böyük qürur, həm də məsuliyyət idi. Yarışa hazırlıq prosesində həm fiziki, həm də psixoloji hazırlıq üzərində ciddi şəkildə çalışdıq. Düzünü desəm, ən çətin məqam məhz yüksək təzyiq altında özümü ruhən möhkəm saxlamaq idi. Lakin komanda yoldaşlarımın, məşqçilərimin davamlı dəstəyi və inamı sayəsində bütün çətinliklərin öhdəsindən gəlməyi bacardım.

- Ardıcıl ikinci dəfə İslam Həmrəyliyi Oyunlarının qalibi oldunuz. Fərqli ölkələrdə çempionluq sevinci yaşayan idmançı kimi, bu iki yarışın oxşar və fərqli cəhətlərini nədə görürsünüz?

- İslam Həmrəyliyi Oyunlarının ardıcıl qalibi olmaq qürurvericidir. Hər iki yarışın özünəməxsus çətinlikləri və gözəllikləri var. Oxşar cəhət ondan ibarət idi ki, hər iki turnirdə son dərəcə yüksək rəqabət hökm sürürdü və Azərbaycan bayrağını zirvəyə qaldırmaq hər dəfə eyni dərəcədə qürurverici idi. Fərqli məqamlar isə əsasən yarışların keçirildiyi ölkələr, ümumi atmosfer və azarkeş dəstəyi ilə bağlı idi. Müxtəlif ölkələrdə çempionluq qazanmaq idmançının fərqli mühitlərə uyğunlaşmaq bacarığını formalaşdırır və onun təcrübəsini daha da zənginləşdirir.

- Yarışdan sonra ilk olaraq kiminlə danışdınız və həmin an eşitdiyiniz təbrik sizə necə təsir bağışladı?

- İlk olaraq anamla danışdım. Onu hər zaman sevindirmək mənim üçün ən böyük xoşbəxtlikdir. Anamın dəstəyi mənim üçün çox dəyərlidir.

- İslamiada ərzində hansı görüş sizin üçün daha çətin oldu?

- Bu yarışda mənim üçün ən həlledici görüş Türkiyə təmsilçisi ilə oldu. Həmin rəqiblə əvvəlki turnirlərdə də qarşılaşmışdım. Onun nə qədər güclü, taktiki baxımdan hazırlıqlı idmançı olduğunu yaxşı bilirdim. Rəqibimə düzgün taktika seçməklə qalib gəldim. Məhz bu görüş yarışın taleyini mənim üçün həll edən dönüş nöqtəsi oldu.

- Bu Oyunlarda medal qazanan qadın güləşçilərimizin əksəriyyəti regionlardan yetişən idmançılardır. Sizcə, regionlarda qadın güləşi üçün bu yarışın hansı təsirləri var?

- Bu Oyunlarda medal qazanan qadın güləşçilərin əksəriyyətinin regionlardan çıxması bir daha göstərdi ki, bölgələrdə də istedadlı və yüksək potensiala sahib idmançılar yetişir. İslam Həmrəyliyi Oyunları kimi mötəbər yarışlarda əldə edilən nəticələr regionlarda qadın güləşi üzrə marağın və dəstəyin artmasına səbəb olacaq. Bu da gələcəkdə daha geniş və güclü bir idmançı bazasının formalaşmasına zəmin yaradacaq.

- 2025-ci il ümumilikdə sizin üçün necə keçdi?

- 2025-ci il mənim üçün həm zədələrlə, həm də uğurlarla dolu oldu. Zədələrim çox olsa da, onlarla mübarizə apardım. Özümə ən böyük iradım bəzən zədələrin təsiri altında tam potensialımı göstərə bilməməyimdir. Amma buna baxmayaraq, əzmlə çalışaraq, medallarla və uğurlarla dolu bir il keçirdim.

- Bəzən güləşdə bir məğlubiyyət idmançıya qələbədən də daha çox dərs verir. Sizi daha da gücləndirən, yadda qalan belə bir məğlubiyyətiniz olubmu?

- Bəli, belə bir məğlubiyyətim olub və əminliklə deyə bilərəm ki, həmin qarşılaşma mənə çox önəmli dərslər verdi. Doğrudur, qələbə anlarında bəzən buraxdığımız səhvləri görmürük, lakin məğlubiyyət insanı daha dərindən düşünməyə, özünü təhlil etməyə vadar edir. Mənim üçün ən yaddaqalan məğlubiyyətlərdən biri beynəlxalq turnirlərin birində, gözləmədiyim məqamda oldu. Həmin qarşılaşma mənə həm texniki, həm də psixoloji baxımdan hansı cəhətlər üzərində daha çox çalışmalı olduğumu açıq şəkildə göstərdi.

- Üç il sonra Olimpiya həyəcanı başlayacaq. Sizcə, bu müddətdə hansı cəhətlərdə daha çox inkişaf etməlisiniz ki, olimpiadaya vəsiqə qazanıb, uğur əldə edəsiniz?

- Bu müddətdə ideal formada olmaq üçün bir neçə əsas sahədə inkişaf etməliyəm. Birincisi, fiziki hazırlığımı maksimum səviyyəyə çatdırmaq, dözümlülük və gücümü artırmaqdır. İkincisi, texniki və taktiki bacarıqlarımı daha da təkmilləşdirmək, rəqiblərin strategiyalarına daha çevik uyğunlaşmaq önəmlidir. Üçüncüsü, psixoloji hazırlıq üzərində işləmək, yarış stresi ilə mübarizə aparma qabiliyyətimi gücləndirmək və özümə inamımı artırmaq vacibdir. Bundan əlavə, zədələrdən qorunmaq və bərpa proseslərini optimallaşdırmaq da əhəmiyyətlidir. Bütün bunlar mənə olimpiadaya ən yaxşı formada hazırlaşmağa kömək edəcək.

Azər Əlizadə

Dİgər xəbərlər

$Zemfira Meftaxetdinova: \"Çalışacağıq ki, veteranlarla bağlı turnirlər mütəmadi şəkildə təşkil olunsun”$

08.05.2026, 21:28

Zemfira Meftaxetdinova: "Çalışacağıq ki, veteranlarla bağlı turnirlər mütəmadi şəkildə təşkil olunsun”

06.05.2026, 10:10

Nazir Rəhimov: “Gözəl ailə xoşbəxt yaşamaq üçün əsas şərtdir”

29.01.2026, 15:46

“Ümid edirik ki, idmançılarımız Oyunlarda layiqli çıxış edəcəklər”

$\"Qarabağ\" Bundesliqada oynasa, neçənci yeri tutar?$

21.01.2026, 17:07

"Qarabağ" Bundesliqada oynasa, neçənci yeri tutar?

29.12.2025, 13:05

Azərbaycan dünyanın aparıcı idman ölkələrindən birinə çevrilib

$Fərid Qayıbov: \"Federasiyalardan olimpiadada hansı sayda idmançı ilə iştirak edə biləcəkləri ilə bağlı ilkin say almışıq\"$

29.12.2025, 13:05

Fərid Qayıbov: "Federasiyalardan olimpiadada hansı sayda idmançı ilə iştirak edə biləcəkləri ilə bağlı ilkin say almışıq"

29.12.2025, 12:47

Fərid Qayıbov: Azərbaycan beynəlxalq idman yarışları üçün etibarlı tərəfdaşdır

25.12.2025, 20:28

“Bu monoqrafiyam Qərbi Azərbaycan idmançıları barədə yazılmış geniş və əhatəli ilk nəşrdir”

$Nazir Rəhimov: \"Ağacan Abiyevin şərəfinə belə bir turnirin keçirilməsi çox təqdirəlayiqdir\"$

20.12.2025, 12:50

Nazir Rəhimov: "Ağacan Abiyevin şərəfinə belə bir turnirin keçirilməsi çox təqdirəlayiqdir"

08.12.2025, 14:14

Rəşad Rəsullu: “Əsas hədəflərimiz Bakıda keçiriləcək dünya çempionatı və Los-Anceles-2028 Olimpiya Oyunlarıdır” - MÜSAHİBƏ

20.11.2025, 22:57

Çingiz Hüseynzadə: “İdmançılarımız mübarizə apararaq, bacarıqlarını nümayiş etdirdilər”

20.11.2025, 22:57

Çingiz Hüseynzadə: “İdmançılarımız mübarizə apararaq, bacarıqlarını nümayiş etdirdilər”

SON XƏBƏRLƏR

BÜTÜN XƏBƏRLƏR