Dünya çempionatının açılış mərasimi keçirilib

Gündəm

11.06.2026, 22:58

Futbol üzrə dünya çempionatının açılış mərasimi keçirilib.

Olimpnews.az xəbər verir ki, Meksikanın paytaxtı Mexikodakı "Mexiko Siti Stadium"da keçirilən tədbir rəngarəng şou proqramla yadda qalıb. Məşhur musiqiçilərdən Şakira, Burna Boy, Cey Balvin, "Mana" qrupu, Tayla və Alexandro Fernandes açılış mərasiminə rəng qatıblar. Musiqili proqram tamaşaçılar tərəfindən böyük maraqla qarşılanıb.

Daha sonra çempionatda iştirak edən ölkələrin bayraqları arenaya gətirilib.

Açılış mərasimindən sonra dünya çempionatının ilk qarşılaşması keçiriləcək. Ev sahibi Meksika millisi Cənubi Afrika Respublikası yığması ilə qarşılaşacaq.

Qeyd edək ki, 2026-cı il dünya çempionatı tarixdə ilk dəfə üç ölkənin - ABŞ, Meksika və Kanadanın birgə ev sahibliyi ilə təşkil olunur. Mundial çərçivəsində daha iki açılış mərasimi keçiriləcək. Tədbirlər iyunun 12-də Kanadanın Toronto şəhərindəki "Toronto Stadium"da, 13-də isə ABŞ-nin Los-Anceles şəhərindəki "Los Angeles Stadium"da baş tutacaq.