Azərbaycan millisi Qran-Prini dörd medalla başa vurdu

Cüdo

29.06.2026, 11:07

Olimpiya çempionumuz yeni çəkidə ilk medalını qazandı

İyunun 26-28-də Çinin Sindao şəhərində keçirilən cüdo üzrə Qran-Pri turniri Azərbaycan millisinin uğurlu çıxışı ilə yadda qaldı. Olimpnews.az xəbər verir ki, dünyanın 57 ölkəsindən 500 (265 kişi, 235 qadın) cüdoçunun mübarizə apardığı yarışda Azərbaycan komandası 17 idmançı (11 kişi, 6 qadın) ilə təmsil olundu. Millimiz turniri 1 qızıl və 3 bürünc medalla başa vurdu. Təmsilçilərimizdən Zelim Tçkayev (-81 kq) fəxri kürsünün ən yüksək pilləsinə qalxaraq qızıl medal qazandı. Olimpiya çempionu Hidayət Heydərov (-81 kq), Əhməd Yusifov (-60 kq) və Murad Fətiyev (-90 kq) isə bürünc medala sahib oldu. Bu nəticə ilə Azərbaycan kişilər arasında komanda hesabında Yaponiya və Rusiyadan sonra üçüncü, ümumi komanda hesabında isə dördüncü yeri tutdu. Güclü Yaponiya və Rusiya komandaları ilə mübarizədə cüdoçularımızın əldə etdiyi bu nəticələr, ölkəmizin dünya cüdosunda aparıcı mövqeyini bir daha təsdiqlədi.

Turnirin ən yaddaqalan nəticələrindən birinə Zelim Tçkayev imza atdı. O, -81 kq çəki dərəcəsində bütün rəqiblərini geridə qoyaraq qızıl medal qazandı.

Qran-Prinin digər diqqətçəkən məqamlarından biri Hidayət Heydərovun yeni -81 kq çəki dərəcəsində ilk böyük beynəlxalq yarışında medal qazanması oldu. Bir həftə əvvəl artıq çəki səbəbindən Monqolustanın paytaxtı Ulan-Batorda keçirilən “Böyük Dəbilqə” turnirində işttirak edə bilməyən dünya, dördqat Avropa və Olimpiya çempionumuz bu dəfə özünün -81 kq çəki dərəcəsində sınadı. Çəki dəyişikliyindən sonra qısa müddətdə əldə olunan bu nəticə Olimpiya çempionumuzun yeni çəkidə də uğur qazanmaq potensialına malik olduğunu nümayiş etdirdi.

Digər sevindirici məqam isə Murad Fətiyevlə bağlı oldu. O, ötən həftə Ulan-Bator sınağında qazandığı bürünc medaldan sonra Sindao Qran-Prisində də fəxri kürsünün üçüncü pilləsinə yüksəldi. Ardıcıl iki nüfuzlu beynəlxalq turnirdə bürünc medal qazanması cüdoçunun sabit idman formasında olduğunu göstərdi.

-60 kq-da mübarizə aparan Əhməd Yusifovun bürünc medalı da milli komandanın ümumi uğuruna mühüm töhfə verdi. O, ən rəqabətli çəkilərdən birində medal qazanmaqla milli komandamızın yüngül çəkilərdə də yüksək potensiala malik olduğunu sübuta yetirdi.

Sindao Qran-Prisində qazanılan nəticələr bir daha göstərdi ki, Azərbaycan cüdosu beynəlxalq arenada mövqeyini möhkəmləndirməkdə davam edir. dünya və Avropa çempionatları, "Böyük Dəbilqə" və Qran-Pri turnirlərində əldə olunan müntəzəm uğurlar milli komandanın qarşıdakı mötəbər yarışlara yüksək hazırlıq səviyyəsində yollandığını deməyə əsas verir.

Dİgər xəbərlər

20.07.2026, 13:13

Bakıda Avropa Cüdo Ümidləri Turniri keçiriləcək

$\"Judo Club 2012\"nin cüdoçuları region birinciliyində uğurla çıxış ediblər$

16.07.2026, 22:12

"Judo Club 2012"nin cüdoçuları region birinciliyində uğurla çıxış ediblər

16.07.2026, 14:44

Bakıda keçiriləcək cüdo üzrə dünya çempionatına həsr olunmuş mətbuat konfransı keçirilib

$Rəşad Rəsullu: \"Dünya çempionatı komandamızın hazırkı səviyyəsini qiymətləndirmək baxımından böyük əhəmiyyət daşıyır\"$

16.07.2026, 13:19

Rəşad Rəsullu: "Dünya çempionatı komandamızın hazırkı səviyyəsini qiymətləndirmək baxımından böyük əhəmiyyət daşıyır"

16.07.2026, 13:08

Cüdo üzrə dünya ulduzları Bakıya gələcək

16.07.2026, 12:56

Dünya çempionatında 90-a yaxın ölkədən 600-dən çox cüdoçunun iştirak edəcəyi gözlənilir

$Rəşad Rəsullu: \"İndiyədək 20-yə yaxın ölkədən cüdo həvəskarları yarış üçün bilet əldə edib\"$

16.07.2026, 12:40

Rəşad Rəsullu: "İndiyədək 20-yə yaxın ölkədən cüdo həvəskarları yarış üçün bilet əldə edib"

$Rəşad Rəsullu: \"Məqsədimiz bu dünya çempionatını ən yüksək səviyyədə təşkil etməkdir\"$

16.07.2026, 12:32

Rəşad Rəsullu: "Məqsədimiz bu dünya çempionatını ən yüksək səviyyədə təşkil etməkdir"

01.07.2026, 16:03

Yardımlıda cüdo üzrə region birinciliyi keçiriləcək

28.06.2026, 23:08

Praqa sınağında 4 medal

28.06.2026, 22:22

Azərbaycanın yeniyetmə cüdoçularının Avropa çempionatındakı rəqibləri müəyyənləşib

28.06.2026, 21:33

Qusarda region birinciliyi keçirilib

SON XƏBƏRLƏR

BÜTÜN XƏBƏRLƏR