Praqa sınağında 4 medal

Cüdo

28.06.2026, 23:08

Çexiyanın paytaxtı Praqada keçirilən cüdo üzrə Avropa açıq turnirinə yekun vurulub. 38 ölkədən 412 (271 kişi, 141 qadın) cüdoçunun iştirak etdiyi yarışda Azərbaycan komandası 14 kişi cüdoçu ilə təmsil olunub. Komandamız yarışı 1 qızıl, 2 gümüş və 1 bürünc olmaqla ümumilikdə 4 medalla başa vurub. Yığmamızın üzvlərindən Elşən Əsədov -66 kq çəki dərəcəsində bütün rəqiblərinə qalib gələrək qızıl medala layiq görülüb. Komandamızın digər üzvlərindən Rəşad Yelkiyev (-66 kq) və Əjdər Bağırov (-100 kq) gümüş medala yiyələnib. Komandamızın digər üzvü Kamran Süleymanov (73 kq) isə turniri bürünc medal qazanaraq komandamızın uöurunda pay sahibi olub. Yığmamız bu nəticə ilə 38 ölkə arasında ümumi komanda hesabında altıncı yeri tutub, kişilər arasında isə Fransa ilə ikinci-üçüncü pilləri bölüşüb.