Kağız jurnaldan bulud texnologiyasına: AİA-da elektron jurnal reallığı
Olimpiya dünyası
02.11.2026, 13:00
Azərbaycan İdman Akademiyasında (AİA) təhsilin keyfiyyətinin yüksəldilməsi, şəffaflığın təmin olunması və idarəetmə mexanizmlərinin müasirləşdirilməsi istiqamətində ardıcıl tədbirlər həyata keçirilir. Müasir ali təhsil sisteminin əsas tələblərindən biri olan rəqəmsallaşma tədris prosesinin daha əlçatan, çevik və səmərəli təşkilinə geniş imkanlar yaradır.
Bolonya prosesinin prinsipləri və Avropa ali təhsil məkanına inteqrasiya hədəfləri təhsil müəssisələrinin fəaliyyətində müasir texnologiyaların tətbiqini, məlumatların operativ idarə olunmasını və tədris prosesində şəffaflığın gücləndirilməsini ön plana çəkir. Bu baxımdan elektron jurnalların tətbiqi Azərbaycan İdman Akademiyasında həyata keçirilən yeniləşmə prosesinin mühüm istiqamətlərindən biridir.
Akademiyanın maddi-texniki bazası, proqram təminatı və kadr potensialı elektron idarəetmə sistemlərinə keçid üçün zəruri imkanlar yaradır. İdman elmi və təhsilini müasir dövrün tələblərinə uyğunlaşdırmağa çalışan ali təhsil müəssisəsində elektron jurnal sisteminin tətbiqi təsadüfi deyil, qlobal təhsil çağırışlarına uyğun atılan məqsədyönlü addımdır.
Elektron jurnal: müasir təhsilin zəruri komponenti
Elektron jurnal ənənəvi kağız jurnalının rəqəmsal alternativi olmaqla, tədris prosesinə aid məlumatların vahid elektron platformada qeydiyyatını və idarə olunmasını təmin edir. Müəllimlər mühazirə və məşğələlərin keçirilməsini, tələbələrin davamiyyətini, cari və aralıq qiymətləndirmə nəticələrini sistemə daxil edir, tələbələr isə öz akademik göstəricilərini operativ şəkildə izləmək imkanı əldə edirlər.
Bu sistemə keçidin əsas məqsədi yalnız kağız sənədləşmənin azaldılması deyil. Elektron jurnal tədris prosesində vaxt itkisinin qarşısını almağa, məlumatların təhlükəsizliyini təmin etməyə, statistik hesabatların hazırlanmasını asanlaşdırmağa və idarəetmədə operativliyi artırmağa xidmət edir.
Yeni sistemin tətbiqinə hazırlıq müəyyən mərhələləri əhatə edir. Bu baxımdan elektron jurnala keçidi gecikmiş proses kimi deyil, tədris və idarəetmə mexanizmlərinin təkmilləşdirilməsi istiqamətində atılan mühüm addım kimi qiymətləndirmək daha doğru olar. Əsas məsələ sistemin düzgün qurulması, istifadəçilərin onun imkanlarına yiyələnməsi və gündəlik tədris fəaliyyətində səmərəli tətbiqidir.
Elektron jurnalın üstünlükləri
Elektron jurnalın tətbiqi müəllimlər və tələbələr üçün bir sıra üstünlüklər yaradır.
İlk növbədə, vaxta qənaət təmin olunur. Müəllimlər kağız jurnalların doldurulmasına və sənədlərin axtarılmasına sərf etdikləri vaxtı azaldaraq tədris fəaliyyətinə daha çox diqqət ayıra bilirlər. Məlumatların elektron qaydada daxil edilməsi hesabatların hazırlanmasını da asanlaşdırır.
Sistemin digər mühüm üstünlüyü məlumatların real vaxt rejimində izlənilməsidir. Tələbələr davamiyyət və qiymətləndirmə göstəriciləri ilə tanış olmaqla öz akademik fəaliyyətlərinə daha məsuliyyətlə yanaşırlar. Eyni zamanda, tədris hissəsi və dekanlıq tələbələrin dərsə davamiyyətini operativ şəkildə izləyə bilir.
Elektron mühitdə məlumatların mərkəzləşdirilmiş qaydada saxlanılması kağız jurnalların itməsi, zədələnməsi və ya yararsız hala düşməsi riskini azaldır. Qiymətləndirmə və davamiyyət məlumatlarının sistemli şəkildə qeyd olunması isə tədris prosesində şəffaflığın və hesabatlılığın gücləndirilməsinə imkan verir.
Davamiyyət və qiymətləndirmədə məsuliyyət
Elektron jurnalın səmərəli fəaliyyəti müəllimlərin sistemdən düzgün və vaxtında istifadə etməsindən birbaşa asılıdır. Dərs zamanı tələbələrin davamiyyəti elektron jurnalda qeyd edilməli, qayıblar vaxtında sistemə daxil olunmalıdır. Bu, tələbələrin dərsə davamiyyətinə nəzarətin gücləndirilməsi və müvafiq struktur bölmələrinin məlumatlandırılması baxımından əhəmiyyətlidir.
Eyni zamanda, cari qiymətlər, tapşırıqların nəticələri və digər akademik göstəricilər vaxtında sistemə daxil edilməlidir. Məlumatların gecikdirilməsi semestrin sonunda əlavə iş yükünün yaranmasına səbəb ola bilər. Buna görə elektron jurnalın gündəlik tədris fəaliyyətinin ayrılmaz hissəsinə çevrilməsi vacibdir.
Keçid dövrünün çətinlikləri və onların aradan qaldırılması
Hər bir yeni texnologiyanın tətbiqi müəyyən uyğunlaşma mərhələsi tələb edir. Elektron jurnal sisteminə keçid zamanı müəllimlərin qarşılaşdıqları çətinliklər də bu baxımdan təbii hesab edilməlidir. Xüsusilə kompüter bilikləri və rəqəmsal bacarıqları müxtəlif səviyyələrdə olan professor-müəllim heyəti üçün yeni sistemin mənimsənilməsi əlavə dəstək və praktiki məşğələlər tələb edir.
Bu baxımdan yalnız iki saatlıq nəzəri mühazirə formatında keçirilən təlimlər bütün müəllimlərin sistemdən sərbəst istifadə etməsi üçün kifayət etməyə bilər. Texnologiyanın tətbiqinə dair məlumatların şifahi izahı ilə yanaşı, əyani nümayiş və praktiki məşğələlərə də geniş yer verilməlidir.
Təlimlərin kompüter siniflərində təşkili, slaydlar, proyektorlar və interaktiv ekranlardan istifadə olunması, hər bir müəllimin sistem üzərində fərdi əməliyyatlar aparması öyrənmə prosesini daha səmərəli edə bilər. Bu zaman iştirakçılar elektron jurnalda davamiyyətin qeyd edilməsi, qiymətlərin daxil olunması və digər funksiyaların tətbiqini bilavasitə sınaqdan keçirə bilərlər.
Digər mühüm addım elektron jurnal ilə işləmək qaydalarını əhatə edən qısa yaddaş kitabçasının hazırlanmasıdır. “Elektron jurnal ilə işləməyin sadə qaydaları” adlı vəsaitin addım-addım izahlar və ekran görüntüləri ilə tərtib olunması müəllimlər üçün gündəlik istifadə zamanı faydalı mənbəyə çevrilə bilər. Belə bir bukletin çap və ya elektron formatda təqdim edilməsi sistemin mənimsənilməsini asanlaşdırar.
Bununla yanaşı, Akademiyada fəaliyyət göstərən texniki dəstək qrupunun imkanlarından səmərəli istifadə olunması vacibdir. Müəllimlərin qarşılaşdıqları texniki və praktiki çətinliklərə operativ cavab verilməsi, müraciət kanallarının əlçatan olması yeni sistemə uyğunlaşma prosesini sürətləndirə bilər.
Rəqəmsal təhsilə doğru
Azərbaycan İdman Akademiyasında elektron jurnal sisteminə keçid tədris prosesinin müasirləşdirilməsi və idarəetmənin səmərəliliyinin artırılması baxımından əhəmiyyətli yenilikdir. Bu prosesin uğuru yalnız texniki imkanlarla deyil, həm də professor-müəllim heyətinin sistemə uyğunlaşması, müvafiq təlimlərin təşkili və davamlı texniki dəstəyin göstərilməsi ilə müəyyən olunur.
Mövcud çətinliklərin praktiki yanaşma, əyani təlimlər və metodiki vəsaitlər vasitəsilə aradan qaldırılması elektron jurnalın gündəlik tədris fəaliyyətində daha geniş tətbiqinə şərait yaradacaq. Nəticədə rəqəmsal idarəetmə təhsil prosesinin şəffaflığına, operativliyinə və keyfiyyətinin yüksəldilməsinə xidmət edən mühüm vasitəyə çevriləcək.
Dilqəm Quliyev,
pedaqogika üzrə elmlər doktoru, professor
Dİgər xəbərlər
SON XƏBƏRLƏR
-
Azərbaycan ilk dəfə basketbol üzrə Avropa çempionatına ev sahibliyi edəcək
21.11.2026, 20:28 Gündəm
-
İlham Zəkiyev Qran-pridə bürünc medal qazanıb
21.11.2026, 20:20 Cüdo
-
Azərbaycanın güləş millisi Gürcüstanda çempion olub
20.11.2026, 14:46 Güləş
-
Parataekvondoçumuz dünya çempionatında qızıl medal qazanıb
20.11.2026, 13:08 Taekvondo
-
Jurnalistlərin öz hesablarındakı paylaşımların bəyənmə sayı da əsas götürüləcək
20.11.2026, 12:38 Gündəm
-
Prezident İlham Əliyevin Qazax rayonunun idman obyektlərinə səfərləri və idmanın inkişafına göstərdiyi diqqət
20.11.2026, 12:09 Olimpizm xəbərləri
-
U-20 millimiz növbəti yoldaşlıq oyununu keçirəcək
20.11.2026, 11:20 Futbol
-
Bakıda Xüsusi Olimpiya Avropa badminton turnirinin açılış mərasimi keçirilib
19.11.2026, 22:52 Olimpiya dünyası
-
Azərbaycan Üzgüçülük Federasiyasının baş katibi “USA Swimming” CEO-su ilə görüşüb
19.11.2026, 18:30 Su idman növləri
-
Yenidənqurmadan sonra Xankəndi stadionunda ilk rəsmi oyun keçirilib
19.11.2026, 18:16 Futbol
-
Bu gün Azərbaycanda Milli Dirçəliş Günüdür
17.11.2026, 09:33 Gündəm
-
Birinci vitse-prezident Mehriban Əliyeva sosial media hesabında Milli Dirçəliş Günü ilə bağlı paylaşım edib
17.11.2026, 08:20 Gündəm
-
Prezidentin sosial şəbəkə hesablarında Milli Dirçəliş Günü ilə bağlı paylaşım edilib
17.11.2026, 00:35 Gündəm
-
Elnur Amanov: "Qazandığımız gümüş medal da yüksək nəticədir"
15.11.2026, 04:45 Olimpiya oyunları
-
Adil Kazımlı: “Zəfər günündə medal qazandığım üçün çox xoşbəxtəm"
15.11.2026, 04:39 Olimpiya oyunları
-
Gülər Hüseynova: "Qazandığım gümüş medal gələcək uğurlarıma təkan verəcək"
15.11.2026, 04:31 Olimpiya oyunları
-
Anar Bağırov: “Belə çətin şəraitdə və çətin yarışlarda 6 medal qazanmaq böyük nailiyyətdir”
15.11.2026, 04:25 Olimpiya oyunları
-
Yeniyetmələrin IV Yay Olimpiya Oyunlarında iştirak edən Azərbaycan komandasının nümayəndə heyəti Vətənə qayıdıb
15.11.2026, 03:40 Olimpiya oyunları
-
Tapdıq Əlibəylinin 65 illik yubileyinə həsr olunan kitabın təqdimatı olub
14.11.2026, 15:06 Gündəm
-
Dakar-2026 Yeniyetmələrin IV Yay Olimpiya Oyunlarının bağlanış mərasimi keçirilib
13.11.2026, 23:32 Olimpiya oyunları
-
Azərbaycan komandası Dakar-2026-nı 6 medalla başa vurub
13.11.2026, 15:00 Olimpiya oyunları
-
Azərbaycan millisi U-23 Avropa çempionatında 7 boksçu ilə mübarizə aparacaq
13.11.2026, 13:30 Boks
-
Bu gün Dakar-2026-nın bağlanış mərasimi keçiriləcək
13.11.2026, 12:09 Olimpiya oyunları
-
UEFA Millətlər Liqası: Azərbaycan yığması bu gün Lixtenşteynlə qarşılaşacaq
13.11.2026, 10:45 Futbol
-
Azərbaycan şahmatçıları Avropa çempionatını üç medalla başa vurublar
13.11.2026, 00:38 Şahmat
-
Qılıncoynadanımız Dakar-2026-nın son günündə mübarizəyə başlayır
12.11.2026, 23:20 Olimpiya oyunları
-
Azərbaycan komandası medal sıralamasında bir pillə irəliləyib
12.11.2026, 23:03 Olimpiya oyunları
-
Gülər Hüseynova: "Boks üzrə qızlar arasında Yeniyetmələrin Yay Olimpiya Oyunlarının ilk medalını qazandım"
12.11.2026, 17:48 Olimpiya oyunları
-
Azərbaycan komandası Avropa çempionatında ikinci yeri tutub
12.11.2026, 17:30 Gündəm
-
Boksçumuz Yeniyetmələrin IV Yay Olimpiya Oyunlarında gümüş medal qazandı
12.11.2026, 16:13 Olimpiya oyunları
-
Dakar-2026: Azərbaycan komandasının bayraqdarları müəyyənləşib
12.11.2026, 13:26 Olimpiya oyunları
-
Azərbaycan konstitusiyası - dövlətçilik tariximizin, suverenliyimizin və milli iradəmizin təcəssümü
12.11.2026, 12:59 Olimpiya dünyası
-
Birinci vitse-prezident Mehriban Əliyeva Konstitusiya Günü ilə bağlı paylaşım edib
12.11.2026, 10:28 Gündəm
-
Prezident İlham Əliyevin sosial şəbəkə hesablarında Konstitusiya Günü ilə bağlı paylaşım edilib
12.11.2026, 02:30 Gündəm