Ukraynanın paytaxtı Kiyevdə keçirilən bədii gimnastika üzrə Avropa çempionatı davam edir. Bu gün yarışın çöxnövçülük üzrə qrup hərəkətlərində mükafatçılar müəyyənləşib. Ləman Əlimuradova, Zeynəb Hümmətova, Yelizaveta Luzan, Məryəm Səfərova və Darya Sorokinanın təmsil olunduğu Azərbaycan yığması 3 halqa və 2 cüt gürz ilə kompozisiya göstərib. Onlar iki kompozisiyanın yekununda hakimlərdən 31.700 xal alıblar. Dünənki nəticə (34.600) ilə birlikdə ümumilikdə 66.300 xal toplayan komanda yekundə gümüş medal qazanıb. İsrailə komandası yarışın qalibi olub. Bürünc medallara isə Ukraynaya gimnastları sahib çıxıblar.
Yarışda həmçinin yeniyetmə və qrup nəticələrinə əsasən Azərbaycan yığması 3-cü yeri tutub.
Qeyd edək ki, ötən gün Nərmin Bayramova və Alina Gözəlova müvafiq olaraq, ip və topla hərəkətlərdə finala çıxıb. Final görüşləri sabah keçiriləcək.
Noyabrın 29-da - çempionatın son günündə isə Zöhrə Ağamirova və Arzu Cəlilova böyük gimnastlar arasında çoxnövçülük yarışlarında qitə çempionu adı uğrunda mübarizə aparacaqlar.
jpg-1713866490.jpg)
