UEFA 2022-ci il dünya çempionatının seçmə mərhələsinin IV turunun ilk oyunlarında sonra statistik göstəriciləri açıqlayıb. Komandamızın üzvü Şahruddin Məhəmmədəliyev seçmə mərhələdə ən çox qurtarış edən qapıçı adına sahib çıxıb. 27 yaşlı qolkiper yığmanın Lüksemburqa 1:2 hesabı ilə uduzduğu matçda iki dəfə komandasını real qoldan xilas edib. Ş.Məhəmmədəliyev əvvəlki turlarda Portuqaliyaya 0:1 hesabı ilə məğlub olduqları ilk qarşılaşmada 14, Serbiyaya 1:2 hesabı ilə uduzduqları görüşdə 5 qurtarışla yadda qalıb.
O, hazırda 21 qurtarışla siyahıya başçılıq edir.
Qeyd edək ki, sentyabrın 4-də İrlandiyanın qonağı olacaq millimiz sentyabrın 7-də Portuqaliyanı qəbul edəcək.
