Cəlilabadda 19 komandanın iştirak etdiyi ümumtəhsil məktəblərinin müəllimləri arasında mini futbol turnirinə yekun vurulub. Turnirin final oyununda şəhər 2 saylı tam orta məktəbin komandası Bəcirəvan kənd tam orta məktəbin komandası ilə üz-üzə gəlib. 2 saylı məktəbin komandası rəqibini məğlub edərək turnirin qalibi adını qazanıb.
Yarışın qalibləri Lənkəran-Astara Regional Gənclər İdman İdarəsinin kubok, diplom və medalları ilə təltif ediliblər.
Qeyd edək ki, turnir Lənkəran-Astara Regional Gənclər və İdman İdarəsinin Cəlilabad rayonu üzrə gənclər və idman sektorunun, eləcə də Lənkəran-Astara Regional Təhsil İdarəsinin Cəlilabad rayon sektorunun birgə təşkilatçılığı ilə keçirilib.
jpg-1735119450.jpg)
