Dakar 2024-də yolsuzluq avtomobili kateqoriyasında yarışan qətərli yarış pilotu Nasser Al-Attiyah üçüncü mərhələni üç təkər üzərində başa vurub. Pilotun sözlərinə görə, çoxsaylı yırtılmalar səbəbindən onun heyətində ehtiyat təkərlər bitib. “Mərhələnin bitməsinə 30 km qalmış üçüncü zərbəni vurduq. Ehtiyat təkərimiz qalmadı, amma davam etməli olduq. Avtomobilin sol arxa hissəsi zədələnib, lakin mexaniklər onu tez bir zamanda düzəldəcək”, - «Red Bull» mətbuat xidməti beşqat Dakar qalibinin sözlərindən sitat gətirib.
Üçüncü mərhələni üç təkərlə başa vurub
