Bu gün futbol üzrə UEFA Avropa Liqasında 1/8 final mərhələsinin oyunlarına start veriləcək. Qitənin ikinci ən nüfuzlu klub turnirində ölkəmizi təmsil edən “Qarabağ” komandası da meydana çıxacaq. Qurban Qurbanovun baş məşqçisi olduğu kollektiv Bakıda Tofiq Bəhramov adına Respublika Stadionunda Almaniyanın "Bayer” klubunu qəbul edəcək.
Saat 21:45-də başlayacaq oyunun baş hakimi fransalı Benua Bastyen olacaq.
Qeyd edək ki, bu komandalar arasında cavab oyunu martın 14-də Leverkuzendə təşkil olunacaq.
