PSJ-nin hücumçusu Kilian Mbappe Parisdə keçiriləcək Yay Olimpiya Oyunlarında iştirak etmək arzusunda olduğunu açıqlayıb. “Bilirəm mənim barəmdə xəbərlər yayılır. Amma mən Parisdəki Olimpiadada iştirak etmək istəyirəm. Ambisiyalarım dəyişməyib. Qərar hələ də özümə məxsusdur", - Eurosport Mbappenin sözlərindən sitat gətirib.
Xatırladaq ki, Fransanın gənclərdən ibarət yığmasının baş məşqçisi Tyerri Anrinin Paris-2024 Yay Olimpiya Oyunlarına yaşı 23-dən yuxarı olan üç futbolçunu, Mbappeni, “Atletiko”dan Qrizmannı və "Milan"dan Olivye Jirunu dəvət etdiyi bildirilir.
