Bu həftə futbol üzrə İtaliya millisi Şimali Amerikaya səfər etdi. Spalletinin rəhbərliyi altında onlar Cənubi Amerika komandaları ilə iki oyun keçirdilər. Əvvəlcə “Skuadra Adzurra” son vaxtlar vəziyyəti yaxşılaşan Venesuela millisinə qalib gəldi – 2:1. Dünən avropalılar Ekvador millisinin qapısına iki qol vurublar.
Məlumat üçün bildirək ki, İtaliya millisi iyirmi ilə yaxındır Şimali Amerika meydançalarında oyuna çıxmayıb. Sonuncu dəfə bu, 2005-ci ildə baş məşqçi Marçello Lippinin rəhbərliyi altında baş vermişdi. Həmin vaxt apeninlilər Ekvador komandası ilə heç-heçəyə razılaşmışdılar - 1:1. Həmin görüşdən bir il sonra İtaliya dünya çempionu olmuşdu. Xatırladaq ki, növbəti dünya çempionatı da Şimali Amerikada keçiriləcək.
