Amil Ramazanov: "Gərgin məşqlərin sayəsində mükafatçılar sırasında yer aldım"

"Yarışa yüksək səviyyədə hazırlaşmışdıq. Gərgin məşqlərin sayəsində mükafatçılar sırasında yer aldım".
Bu sözləri avarçəkmə üzrə "Prezident Kuboku-2024" beynəlxalq reqatasının Suqovuşan mərhələsində 1 nəfərlik kayak qayığı ilə 200 metr məsafəyə yarışda bürünc medal qazanan idmançımız Amil Ramazanov deyib.
Rəqiblərinin güclü olduğunu qeyd edən idmançımız buna baxmayaraq, mükafatçılar sırasında yer aldığına görə sevindiyini bildirib.
"Yarışda həqiqətən də güclü rəqiblər iştirak edirdi. Ola bilər ki, bir qədər təcrübəm və hazırlığım birinci yeri tutmağıma mane oldu. Amma inanıram ki, Mingəçevirdə davam edən yarışın növbəti günlərində də medalçılar sırasına düşə biləcəyəm", - deyə Amil Ramazanov bildirib.