Bu gün Monteneqronun Budva şəhərində bədii gimnastika üzrə Balkan Kubokuna start veriləcək.
Azərbaycan Gimnastika Federasiyasının mətbuat xidmətindən verilən məlumata görə, yarışda Azərbaycan gimnastları da mübarizə aparacaqlar. Komandamızın heyətində məşqçilər Sənan Mahmudlu, Daria Lehka və Nəzrin Cəfərzadənin rəhbərliyi altında fərdi proqramda Mədinə Dəmirova, Zəhra Cəfərova, İlona Zeynalova, Şəms Ağahüseynova, Məryəm Baloğlanova, Nur Sadıqova və Azadə Atakişiyeva iştirak edəcək.
Aysel Həsənova və Səbinə Hacıyeva isə hakim kimi fəaliyyət göstərəcəklər.
Qeyd edək ki, Balkan Kubokuna sentyabrın 29-da yekun vurulacaq.
