Albaniyanın paytaxtı Tirana şəhərində keçirilən güləş üzrə dünya çempionatına bu gün yekun vurulacaq.
Yarışın son günündə Azərbaycanın 3 sərbəst güləşçisi bürünc medal qazana bilər.
Təsəlliverici qarşılaşmalarda Nürəddin Novruzov (61 kq) Kosta-rikalı Peter Hammeri, Orxan Abasov (79 kq) monqolustanlı Suldxu Olonbayarı, Abubakr Abakarov isə (92 kq) ABŞ təmsilçisi Devid Teyloru sınağa çəkəcək.
Qeyd edək ki, Azərbaycanın yunan-Roma güləşi üzrə millisi 85 xal toplamaqla komanda hesabında birinci olub. Millinin üç üzvü - Eldəniz Əzizli (55 kq), Nihat Məmmədli (63 kq) və Ülvü Qənizadə (72 kq) turnirdə qızıl medal qazanıb.
