Yelizaveta Ruban: "Rumıniya Kubokunu qazandığımız üçün çox şadam"

$Yelizaveta Ruban: \"Rumıniya Kubokunu qazandığımız üçün çox şadam\"$

Olimpizm xəbərləri

04.04.2025, 11:41

“Çox şadam ki, Rumıniya kubokunu qazandıq, Finalda rəqibimiz ötənilki çempion idi və oyun çox maraqlı keçdi. Bilirdik ki, rəqib güclüdür və asan olmayacaq. Ona görə də ciddi hazırlaşdıq və qalib gəldik".

Bu sözləri Rumıniya kubokunun qalibi və CEV kubokunda ikinci yeri tutan millimizin hücumçusu Yelizaveta Ruban deyib. O bildirib ki, qarşıda ən çətin vəzifə olan Rumıniya çempionatının finalı qalıb:

"Bu oyundan sonra istirahətə vaxt yox idi, çünki iki gündən sonra bizi CEV kubokunun finalı gözləyirdi. İtaliyada keçirilən ilk oyunda uduzsaq da, evdəki cavab matçına ciddi hazırlaşırdıq. Hər şey ən yüksək səviyyədə təşkil olunmuşdu, ab-hava inanılmaz idi. Finalda məğlub olmağımıza baxmayaraq, nəticədən razıyıq, turnirin ikincisi olduq. İndi qarşımızda son və ən çətin vəzifə olan Rumıniya çempionatının finalı qalıb. Əlbəttə, yorğunluq var. Lakin çalışacağıq ki, çempionluğu qazanaq və mövsümü daha çox qələbə ilə başa vuraq”.

Qeyd edək ki, finalda “Voluntari” üzərində 3:1 hesablı qələbə qazanan “Alba” Rumıniya Kubokunun sahibi olub. Lakin komanda CEV Kubokunun finalında İtaliya təmsilçisi "Novara"ya (1:3, 0:3) məğlub olub.