Cəlilabad şəhər Heydər Əliyev seyrəngahında "İdman hamı üçün" layihəsi çərçivəsində açıq havada kütləvi idman tədbiri keçirilib.
Olimpnews.az xəbər verir ki, tədbirdə 40 nəfər idmançının sərbəst və yunan-Roma güləşi idman növləri üzrə nümunəvi çıxışları olub.
Lənkəran-Astara Regional Gənclər və İdman İdarəsinin təşkilatçılığı sayəsində keçirilən tədbirdə əsas məqsəd uşaq, yeniyetmə və gənclərin idmana marağının artırılması, rayonda idmanın kütləviliyinə nail olmaq, sağlam həyat tərzinin təbliği və asudə vaxtın səmərəli təşkilidir.
