Respublika Şahmat Mərkəzində “Bakı yayı” beynəlxalq şahmat festivalı keçirilir

17:29 02.07.2019
11428

İyulun 2-də Bakıda, Respublika Şahmat Mərkəzində ənənəvi "Bakı yayı” beynəlxalq şahmat festivalı start götürüb.

Şahmatçılar A (master), B (açıq), C (uşaq turniri U-12), D (rapid) və E (blitz) turnirlərində mübarizə aparırlar. Şeveningen sistemi üzrə keçirilən A turnirində azərbaycanlı şahmatçılardan başqa Türkiyə, Gürcüstan, İran, Rusiya, İraq, Belarus təmsilçiləri də iştirak edirlər. Onlardan 6-sı qrossmeyster, 4-ü beynəlxalq usta, 9-u isə FIDE ustasıdır.

İsveçrə sistemi üzrə keçirilən və 7 turdan ibarət B turnirində şahmatçılarımızla yanaşı, İran, Fransa, ABŞ, Xorvatiya və Rusiya təmsilçiləri də güclərini sınayırlar.