Kanadalı fiqurlu konkisürən Qabriel Deylman öz ölkəsində keçirilən gözəllik müsabiqəsində iştirak etmək niyyətindədir. Bu barədə o, öz instaqram səhifəsində məlumat verib. «Fikrimdə israrlıyam. Məni sevənlərə yeni bir zövq yaşatmaq, ən gözəl addım olacaq. Mənim həyatım hamıya məlumdur. Çətin anlarım yetrincə çox olub. Lakin heç vaxt çətinlikdən qorxmamışam. Həyatda daim yeniliklərə yol açmaq lazımdır. Hesab edirəm ki, «Miss Kanada» müsabiqəsində iştirakım azarkeşlərim üçün sevindirici olacaq. Əgər qalib gəlsəm, buna görə məhz onlara minnətdarlıq edəcəyəm», - deyə Deylman bildirib.
Məlumat üçün bildirək ki, Qabriel Deylman Pxençxan-2018 Qış Olimpiya oyunlarının qızıl mükafatçısıdır.
