Azərbaycanın kişi otüstü hokkeyçilərdən ibarət milli komandası Avstriyanın paytaxtı Vyana şəhərində keçirilən Avropa çempionatında iştirak edib. Lakin millimiz qitənin 8 ən güclüsü sırasında yer ala bilməyib. Belə ki, qrup mərhələsində Şotlandiya (3:0) və Uels (2:1) yığmaları üzərindəki qələbələrdən sonra Fransa hokkeyçiləri də komandamıza qalib gəlib - 2:4. Qrupun sonuncu oyununda Şotlandiya millisi Uelslə heç-heçəyə razılaşıb. Bu isə millimizin A qrupunun ikincisi olması üçün kifayət edib. Fransızlar da bu qrupda 6 xal toplayaraq topların daha yaxşı fərqinə görə birinci yeri tutublar.
Avqustun 10-da keçirilən ilk yarımfinal görüşündə hokkeyçilərimiz B qrupunun qalibi Rusiya yığması ilə qarşılaşıb. Təəssüf ki, B qrupunda Ukrayna və İtaliya komandalarına qalib gələn, Avstriya hokkeyçiləri ilə görüşü heç-heçə başa çatdıran ruslarla oyunumuz uğursuz alınıb -1:6. Digər yarımfinal qarşılaşmasında Fransa yığması avstriyalılar üzərində 5:3 hesabı ilə qalib gələrək növbəti mövsümdən (2015-ci il) Avropanın 8 ən güclüsü sırasında yarışmaq hüququ verən 2-ci vəsiqəyə sahib olub.