Pekin-2022 Qış Paralimpiya Oyunlarında iştirak edəcək Azərbaycan komandasının şef-de missionu və bayraqdarı müəyyənləşib.
Qurumun prezidenti İlqar Rəhimovun qərarına əsasən, komitənin idman şöbəsinin müdiri Rauf Mürsəlov yığmanın şef-de-missionu təyin edilib.
Kross-kantri növünün sprint kateqoriyasında mübarizə aparacaq Mehman Ramazanzadə açılış mərasimində bayrağı daşıyacaq. İdmançımız martın 9-da mübarizəyə başlayacaq.
Qeyd edək ki, XIII Qış Paralimpiya Oyunları martın 4-13-də təşkil olunacaq. Oyunların açılış mərasimi martın 4-ü Pekin Milli stadionunda keçiriləcək. Azərbaycan ilk dəfə Qış Paralimpiya Oyunlarında təmsil olunacaq.
Azərbaycanın Qış Paralimpiya Oyunlarındakı şef-de missionu və bayraqdarı müəyyənləşdi
