Səudiyyə Ərəbistanının Ciddə şəhərində İslam Əməkdaşlıq Təşkilatı (İƏT) ölkələrinin gənclər və idman nazirlərinin V konfransı keçirilib. Azərbaycanın gənclər və idman naziri Fərid Qayıbov tədbirdə iştirak edib. Tədbirdə İƏT-in dördüncü konfransının sədri qismində iştirak edən F.Qayıbov görülmüş işlər barədə hesabat verib, eyni zamanda bütün üzv ölkələrə və qurumlara bu dövrdə təşkilatın fəaliyyətinə göstərdiyi dəstəyə görə təşəkkür edib.
Nazir çıxışının sonunda konfransa sədrliyi Səudiyyə Ərəbistanı Krallığına təhvil verərək, bu ölkənin idman naziri, şahzadə Əbdüləziz bin Turki Əl-Faysalı bu münasibətlə təbrik edib, təşkilatın yeni nailiyyətlər qazanacağına inandığını bildirib.
Tədbirdə çıxış edən ölkələrin nümayəndələri konfransa sədrlik etdiyi dörd il (Azərbaycanın sədrliyi pandemiya səbəbindən 2 il yox, 4 il davam edib) ərzində göstərdiyi fəallığa görə Azərbaycana təşəkkür ediblər.
Fərid Qayıbov İƏT ölkələri gənclər və idman nazirlərinin V konfransında iştirak edib
