Bu həftə futbol üzrə Avro-2024 üçün təsnifat mərhələsinin oyunlarına yekun vuruldu. Gələn il Almaniyada keçirilən qitə çempionatında mübarizə aparacaq 21 yığma komandanın adları müəyyənləşib. Bu, Almaniya (ev sahibi ölkə) və təsnifat qruplarında birinci və ikinci yerləri tutan 20 komandadır. Növbəti ilin yazında pley-off mərhələsinin nəticələrinə əsasən daha üç iştirakçı müəyyənləşəcək. “Olimpiya dünyası” qəzeti Avro-2024-lə bağlı maraqlı faktları oxucularına təqdim edir.
DÇ-dən 18 il sonra Avropa çempionatının keçirilməsi tendensiyası
Məlumdur ki, Almaniya Avro-2024-ə ev sahibliyi edəcək ölkə seçilib. Eyni zamanda, XXI əsrdə bu ölkə artıq dünya çempionatına da ev sahibliyi edib. Bu, 2006-cı ildə baş verib. Yəni dünya və Avropa çempionatları arasında 18 il fərq var. Bu məqamda Fransanın da eyni müddətə hər iki yarışa ev sahibliyi etməsi diqqətdən kənarda qalmır. “”Xoruzlar ölkəsi” 1998-ci ildə dünya çempionatına, 2016-cı ildə isə Avropa çempionatına ev sahibliyi edib.
Avro-2024: Tarixdə ilk dəfə keçmiş Yuqoslaviyanın üç ölkəsi vəsiqə əldə edib
Serbiya, Xorvatiya və Sloveniya artıq qitə birinciliyinə vəsiqə qazanıb. Həmçinin, Bosniya və Herseqovina yığması dördüncü vəsiqəni əldə edə bilər. Bu komanda Ukrayna millisinə qarşı oynayacaq və qalib gəlsə, İsrail - İslandiya matçının qalibinə birbaşa vəsiqə uğrunda mübarizə aparacaq. Bu, ilk və tarixi hadisədir. 2004, 2008, 2012 və 2016-cı illərdə yalnız Xovartiya Avropa çempionatına vəsiqə qazanıb. Sonuncu dəfə onu Şimali Makedoniya müşayiət edib.
Anar Əhmədov
jpg-1719907471.jpg)
jpg-1720700530.jpg)
