Azərbaycan Premyer Liqası: “Sabah”dan böyükhesablı qələbə

Olimpizm xəbərləri

10.12.2023, 17:14

Futbol üzrə Azərbaycan Premyer Liqasında XVI turun oyunları davam edir. Günün ilk matçında "Sabah" klubu "Səbail"lə qarşılaşıb. "Bank Respublika Arena"da təşkil olunan oyun “Sabah” komandasının böyükhesablı qələbəsi ilə başa çatıb -4:0. Oyunda hesab 7-ci dəqiqədə açılıb. Mərakeşli futbolçu 21-ci dəqiqədə komandasının üstünlüyünü iki topa çatdırıb. Vurulan qoldan 7 dəqiqə sonra Cesse Sekidika fərqlənməklə “Sabah”ın üstünlüyünü bir qədər də artırıb. Matçın ikinci hissəsində meydan sahibləri rəqib komandanı növbəti dəfə məyus ediblər. Vinsent Til 59-cu dəqiqədə dəqiq zərbə ilə oyunda son qolun müəllifi olub. Beləliklə, 4:0 hesablı qələbə qazanan “Sabah” aktivindəki xalların sayını 22-yə çatdıraraq, 7-ci pilləyə yüksəlib. Dördüncü pillədə qərarlaşan "Səbail" isə 23 xalda qalıb.