“Beziers” 3-cü pillədəki yerini qoruyub
![“Beziers” 3-cü pillədəki yerini qoruyub](https://olimpnews.az/uploads/img/no_image.png)
Qadın voleybolçular arasında Fransa çempionatında VIII turun oyunlarına yekun vurulub. Çempionlar Liqasında "Rabitə”nin rəqibi olan "Beziers” klubu "Terville Florange” komandasını qəbul edib. Matç ev sahiblərinin asan qələbəsi ilə yekunlaşıb - 3:0 (25:15, 25:20, 25:18). Bundan sonra aktivindəki xalların sayını 18-ə çatdıran "Beziers” 3-cü pillədəki yerini qoruyub.
Qeyd edək ki, "Rabitə” "Beziers”lə ilk matçı səfərdə oynayaraq, 3:0 hesabı ilə qalib gəlib.