Azərbaycan Karate Federasiyasının nəzdində fəaliyyət göstərən Fullkontaky Kyokuşin Karate Federasiyasının qış seminarı keçirilib. Azərbaycan Karate Federasiyasının mətbuat xidmətindən verilən məlumata görə, tədbirdə 600-dən çox uşaq, yeniyetmə və gənc idmançı iştirak edib. Seminara 60-dan çox məşqçi-müəllim də cəlb olunub. Seminarda Bakı ilə yanaşı, Gəncə, Lənkəran, Yevlax və digər bölgələrdən idmançılar da iştirak ediblər. AKF-nin vitse-prezidenti Allahverdi Rüstəmovun rəhbərliyi ilə keçirilən seminarda iştirakçılara kyokuşin şinkyokuşin, şorinciryu kenkokan və aşihara növləri üzrə hərəkətlər nümayiş etdirilib. Sonda seminar iştirakçılarına sertifikatlar təqdim edilib.
Azərbaycan Fullkontaky Kyokuşin Karate Federasiyasının qış seminarı keçirilib
