Portuqaliyanın Qimarayş şəhərində keçirilən akrobatika gimnastikası üzrə dünya çempionatına yekun vurulub. Yarışda uğurla çıxış edən komandamız çempionatı 8 medalla başa vurub. Ümumilikdə 4 qızıl, 1 gümüş və 3 bürünc medal qazanan yığmamız çempionatı medal sıralamasında üçüncü pillədə başa vurub. Belçika (5-1-0) 1-ci, Çin isə (5-0-1) 2-ci yeri tutub.
Komandamızın heyətində Ağasif Rəhimov-Raziyə Seyidli qarışıq cütü balans və qarışıq hərəkətlərdə qızıl, temp hərəkətlərində bürünc, Daniel Abbasov-Murad Rəfiyev kişi cütü qarışıq və balans hərəkətlərdə qızıl, temp hərəkətlərində bürünc, Riyad Səfərov-Rəsul Seyidli-Seymur-Cəfərov və Abdulla Əl-Məşayxidən ibarət heyət isə temp hərəkətində bürünc medal qazanıb. Bundan başqa, ölkəmiz komanda yarışlarında gümüş medala sahib çıxıb.
