Anım günündə şəhid Nadir Mikayılovun əziz xatirəsi yad edilib

Olimpizm xəbərləri

03.10.2024, 18:10

Sentyabrın 27-də İmişli rayonu Yuxarı Qaralar kəndində şəhid Arif Allahverdiyev adına tam orta məktəbdə Anım Günü ilə əlaqədar tədbir keçirilib.

Mərasimdə şəhid ailələrinin üzvləri, müharibə veteranları, rayon icra hakimiyyətinin əməkdaşları, orta məktəbin müəllim və şagird kollektivi, rayon ictimaiyyətinin nümayəndələri, həmçinin kənd ağsaqqalları iştirak ediblər. Azərbaycan Respublikasının Dövlət Himninin səsləndirilməsi ilə başlayan tədbirdə Vətən uğrunda canlarından keçən şəhidlərin əziz xatirəsi bir dəqiqəlik sükutla yad edilib. Tədbirdə çıxış edən şəhid Nadir Mikayılovun anası Sona xanım və atası Adil müəllim bütün şəhidlərə Allahdan rəhmət diləyərək, tədbirin təşkilatçılarına minnətdarlığını bildiriblər. İmişli rayonu Yuxarı Qaralar kənd şəhid Arif Allahverdiyev adına tam orta məktəbin hərbi rəhbəri Elmidar Əsgərov, İmişli Rayon İcra Hakimiyyətinin Ölcələr kənd ərazi dairəsi üzrə nümayəndəsi Əbülfət Əliyev, Ölcələr kənd hərbi rəhbəri, birinci və ikinci Qarabağ müharibəsi iştirakçısı, kapitan Nəsimi Əliquliyev, Qarabağ Əlillər Qayğı Cəmiyyətinin sədri Səməd Həsənov, Vətən Müharibəsi Veteranları İctimai Birliyinin İmişli rayon şöbəsinin sədri, birinci Qarabağ müharibəsi iştirakçısı Taleh Tapdıqov, şəhid ailələrinin üzvləri, müharibə veteranları və kənd ağsaqalları çıxış edərək, ölkəmizin ərazi bütövlüyü uğrunda gedən döyüşlərdə canlarından keçən şəhidlərimizin xatirəsinin daim yaddaşlarda qalacağını bildiriblər. Qeyd olunub ki, Azərbaycan Prezidenti, Ali Baş Komandan İlham Əliyevin rəhbərliyi ilə gedən döyüşlərdə məhz qəhrəman əsgərlərimizin göstərdiyi şücaət nəticəsində torpaqlarımız işğaldan azad olunub. Bildirilib ki, bu gün Azərbaycan müasir, inkişaf etmiş, qarşıya qoyulan bütün hədəflərə nail olmağa qadir bir orduya malikdir. Tədbir çərçivəsində birinci Qarabağ şəhidi, Yuxarı Qaralar kənd sakini Mikayılov Nadir Adil oğlunun adına açılmış abidə-bulaq kompleksinin də açılışı olub.

Qeyd edək ki, şəhid Nadir Adil oğlu Mikayılov 1975-ci il mart ayının 25-də İmişli rayonunun Yuxarı Qaralar kəndində anadan olub. Orta məktəbdən sənədlərini texnikuma verən Nadir Mikayılov hələ əsgərlik yaşı tamam olmasa da texnikumda təhsilini yarımçıq dayandıraraq, könüllü olaraq Qarabağ uğrunda müharibəyə yollanıb. O, işğalçı düşmənlərə qarşı qəhrəmancasına döyüşərək, igidlik göstərmişdir. Ağdamın Gülablı kəndində, Füzulinin Qaraxanbəyli və Şükürbəyli kəndlərində ağır döyüşlərdə iştirak edərək, 1994-cü ildə fevralın 3-də qəhrəmancasına şəhidlik zirvəsinə ucalıb. Allah rəhmət eləsin!

Dİgər xəbərlər

14.05.2026, 22:58

Güləşçilərimizin Los-Anceles-2028 yolu müəyyənləşdi

14.05.2026, 21:29

Paralimpiya çempionumuz xüsusi mükafata layiq görülüb

13.05.2026, 10:35

Bu gün Azərbaycan Kubokunun qalibi müəyyənləşəcək

09.05.2026, 18:18

Hərbi vətənpərvərlik mahnılarının gənc nəslin milli mənlik şüurunun formalaşmasında rolu böyükdür

07.05.2026, 23:00

Soçidə XXII Qış Olimpiadasının təntənəli açılışı keçiriləcək

07.05.2026, 14:35

AVF rəsmisi CEV-in Maliyyə Komissiyasının iclasında iştirak edib

18.02.2026, 15:04

Milan-Kortina-2026: Anastasiya Papatoma növbəti mərhələyə vəsiqə qazanıb

$\"Göstərdiyim nəticəyə görə xalqımdan üzr istəyirəm\"$

17.02.2026, 19:15

"Göstərdiyim nəticəyə görə xalqımdan üzr istəyirəm"

17.02.2026, 18:15

Milli komanda Trampı İtaliyaya dəvət edə bilər

17.02.2026, 15:38

Anasının vətənində ilk qızıl medal əldə edən idmançı oldu

17.02.2026, 13:11

Azərbaycan nümayəndə heyəti Kortina-Ampetso şəhərindədir

17.02.2026, 12:27

Gürcüstandan Qış Olimpiadasında tarixi uğur

SON XƏBƏRLƏR

BÜTÜN XƏBƏRLƏR