Olimpiya kateqoriyalı hakim Hicran Şərifov karyerasını başa vurdu

Olimpizm xəbərləri

24.12.2024, 18:35

Bu gün "Şöhrət” ordenli, "Tərəqqi” medallı, Azərbaycan Prezidentinin fəxri diplomu ilə təltif olunan, "Əməkdar Bədən Tərbiyəsi və İdman Xadimi”, Azərbaycanın Olimpiya kateqoriyalı, beynəlxalq dərəcəli hakimi, Əməkdar məşqçi Hicran Şərifov hakimlik karyerasını başa vurub. Olimpiya kateqoriyalı hakim Bakı İdman Sarayında keçirilən güləş üzrə Azərbaycan çempionatının ilk günündə azarkeşlərin və tələbələrinin alqış sədaları altında hakimliklə vidalaşıb. Tədbirdə Milli Olimpiya Komitəsi tərəfindən Hicran Şərifova onun idman sahəsindəki fəaliyyətini özündə əks etdirən məktub təqdim olunub. Ədalət təmsilçimiz hakimlik karyerasını başa vurması ilə bağlı təəssüratlarını olimpnews.az saytı ilə bölüşüb. "Güləş üzrə hakimlik karyeramda neçə illik əməyimi yüksək qiymətləndirdiklərinə görə Azərbaycan Prezidenti, cənab Ali Baş Komandan İlham Əliyevə, Birinci vitse-prezident Mehriban xanım Əliyevaya minnətdarlığımı bildirirəm. Hər zaman hakimlik edəndə düşünmüşəm ki, qərəzli ola bilmərəm. Çünki ilk növbədə Azərbaycanı təmsil etmişəm. Hər zaman bu fikirlərlə ədalətli olmağa çalışmışam. Buna görə də Dünya Güləş Birliyi tərəfindən London-2012 Yay Olimpiya Oyunlarında "Qızıl Fit" mükafatı ilə təltif olunmuşam. Bugünkü diqqət və qayğıya görə Azərbaycan Milli Olimpiya Komitəsinin, Gənclər və İdman Nazirliyinin və Azərbaycan Güləş Federasiyasının rəhbərliyinə minnətdarlığımı bildirirəm. Hakimlik karyeramı başa vursam da, bundan sonra da dövlətimizə və Azərbaycan güləşinin inkişafına xidmət edəcəyəm", - deyə Olimpiya kateqoriyalı hakimimiz bildirib. Hicran Şərifov bundan sonra da güləş idman növündə qalacağını qeyd edib. "Mən güləşlə yaşayıram. Bu gün ölkəmizdə rəhbəri olduğum "Cəngi" güləş klubu fəaliyyət göstərir. Məşqçi kimi də çalışıram ki, güləş idman növünün inkişafına öz töhfəmi verim. Bu gün həmçinin Azərbaycan İdman Akademiyasında idmanın təkmübarizlik idman növləri kafedrasını baş müəllimiyəm. Ali elmi dərəcəm var. Bir sözlə, bundan sonra da öz bilik və bacarığımı gənc nəsilə ötürməyə çalışacağam", - deyə Hicran Şərifov bildirib. Qeyd edək ki, Hicran Şərifov ədalət təmsilçisi kimi bu vaxta qədər 3 Yay Olimpiya Oyunlarında, Avropa və Hərbçilərin Olimpiya Oyunlarında, İslam Həmrəyliyi Oyunlarında, bir çox ölkədaxili və beynəlxalq yarışlarda hakimlik edib. Onun idman sahəsində göstərdiyi xidmətlər dövlətimiz tərəfindən yüksək səviyyədə qiymətləndirilib. Belə ki, o, Azərbaycan Prezidenti İlham Əliyevin Sərəncamı ilə "Şöhrət” ordeni, "Tərəqqi” medalı, Azərbaycan Respublikası Prezidentinin fəxri diplomu, "Əməkdar Bədən Tərbiyəsi və İdman Xadimi” adı ilə təltif edilib. Milli Olimpiya Komitəsinin "Olimpiya” ordeni, "Azərbaycan Respublikasının Əməkdar məşqçisi” adını alan Hicran Şərifov London-2012 Yay Olimpiya Oyunlarında "Qızıl Fit” mükafatına layiq görülüb.

Dİgər xəbərlər

09.05.2026, 18:18

Hərbi vətənpərvərlik mahnılarının gənc nəslin milli mənlik şüurunun formalaşmasında rolu böyükdür

07.05.2026, 23:00

Soçidə XXII Qış Olimpiadasının təntənəli açılışı keçiriləcək

07.05.2026, 14:35

AVF rəsmisi CEV-in Maliyyə Komissiyasının iclasında iştirak edib

18.02.2026, 15:04

Milan-Kortina-2026: Anastasiya Papatoma növbəti mərhələyə vəsiqə qazanıb

$\"Göstərdiyim nəticəyə görə xalqımdan üzr istəyirəm\"$

17.02.2026, 19:15

"Göstərdiyim nəticəyə görə xalqımdan üzr istəyirəm"

17.02.2026, 18:15

Milli komanda Trampı İtaliyaya dəvət edə bilər

17.02.2026, 15:38

Anasının vətənində ilk qızıl medal əldə edən idmançı oldu

17.02.2026, 13:11

Azərbaycan nümayəndə heyəti Kortina-Ampetso şəhərindədir

17.02.2026, 12:27

Gürcüstandan Qış Olimpiadasında tarixi uğur

17.02.2026, 11:50

Avstriyalı idmançı ayaqqabıya görə cəzalandı

16.02.2026, 18:13

Mehriban Əliyeva yenidən Azərbaycan Gimnastika Federasiyasının prezidenti seçilib

16.02.2026, 17:56

Niderlandlı idmançılar ilk iki yeri əldən vermədilər

SON XƏBƏRLƏR

BÜTÜN XƏBƏRLƏR