"Qarabağ" klubu UEFA Avropa Liqasının Liqa mərhələsi çərçivəsində sonuncu oyununa çıxıb. Qurban Qurbanovun komandası VIII turunda Yunanıstanın “Olimpiakos” komandası ilə qarşılaşıb. Georgios Karaiskakis stadionunda keçirilən oyun meydan sahiblərinin 3:0 hesablı qələbəsi ilə başa çatıb.
Yunanların heyətində 56 və 60-cı dəqiqələrdə El Kaabi fərqlənib. Matçın 89-cu dəqiqəsində isə Julian Byankon oyunda yekun hesabı müəyyənləşdirib.
Beləliklə, Ağdam təmsilçisi Liqa mərhələsində keçirdiyi 8 görüşün 7-də məğlub olub, 1-ni qələbə ilə başa vurub. "Qarabağ" bu nəticə ilə Liqa mərhələsini 3 xalla sonuncu - 36-cı pillədə başa vurub. Bununla da Azərbaycan çempionu cari mövsüm avrokuboklarda mübarizəni dayandırıb.
jpg-1738220467.jpg)
