Mayın 2-də “Prezident Kuboku-2025” beynəlxalq reqatasının bağlanış mərasimi keçiriləcək.
Azərbaycan Kanoe və Avarçəkmə Federasiyasının (AKAF) mətbuat xidmətindən verilən məlumata görə, Mingəçevirdə “Kür” Olimpiya Tədris-İdman Mərkəzində təşkil olunacaq bağlanış mərasimində əvvəlcə qalib komandalara kuboklar təqdim olunacaq. Mükafatlandırma mərasimi başa çatdıqdan sonra tədbir bədii hissə ilə davam edəcək. Müxtəlif şou proqramlar, tanınmış rəqs qruplarının çıxışı və son illərin populyar müğənnisi Mərdan Kazımovun canlı ifaları tamaşaçılara əsl bayram ab-havası yaşadacaq. “Prezident Kuboku-2025” beynəlxalq reqatasına möhtəşəm atəşfəşanlıqla yekun vurulacaq.
“Prezident Kuboku-2025”in bağlanış mərasimində tamaşaçıları sürprizlər dolu axşam gözləyir
jpeg-1745269803.jpeg)
jpeg-1745045780.jpeg)
