Natiq Bağırov: "Gələcəyin ulduzları bu turnirdə yetişir"

$Natiq Bağırov: \"Gələcəyin ulduzları bu turnirdə yetişir\"$

BOK

26.07.2025, 13:20

İyulun 26-da Abşerona Olimpiya İdman Kompleksində “Avropa Cüdo Ümidləri” beynəlxalq turniri və kodokan mütəxəssislərinin iştirakı ilə təlim sessiyalarına start verilib. Olimpnews.az xəbər verir ki, Azərbaycanın yeniyetmə idmançıları üçün gözəl fürsət olan bu yarış, eyni zamanda onların peşəkar arenaya hazırlanmasında mühüm mərhələdir. Belə turnirlər gənc cüdoçuların beynəlxalq təcrübə qazanmasına, fərqli məktəblərin idman üslubunu görüb öyrənməsinə, özünü daha yaxşı tanımasına və psixoloji baxımdan yarış mühitinə uyğunlaşmasına şərait yaradır. Həmçinin bu cür rəqabətli mühit, onların texniki və taktiki hazırlığının yüksəldilməsində əvəzsiz rol oynayır. Azərbaycan Cüdo Federasiyasının (ACF) prezidentinin müşaviri Natiq Bağırov da bu gün start götürən turnirin əhəmiyyətinə toxunaraq bildirib ki, bu yarış bir çox istedadlı idmançılar üçün yeni imkanlar açacaq: “Əminik ki, bu turnirdə bacarığını nümayiş etdirən gənclərin böyük bir qismini yaxın gələcəkdə milli komandalarımızın heyətində görəcəyik. Onlar Azərbaycanın idman şöhrətini beynəlxalq arenalarda qoruyacaqlar. 12 ölkədən 500-ə yaxın oğlan və qız cüdoçunun mübarizə apardığı yarış, xüsusən də 13 və 15 yaşadək idmançılar üçün böyük təcrübə qazandırır. Bu yarış onların inkişafına güclü təkan verəcək. Turnir yalnız bu günün deyil, gələcəyin çempionlarını formalaşdırır. ACF rəsmisi bu təşəbbüsün davamlı olacağına da ümid etdiyini qeyd edib: “Avropa Cüdo Birliyi bu yaş kateqoriyasında turnirlərin keçirilməsini artıq rəsmi qərara alıb. İnanırıq ki, növbəti illərdə də bu yarış məhz Azərbaycanda keçiriləcək və iştirakçı ölkələrin sayı artacaq”. Xatırladaq ki, turnir Avropa Cüdo Birliyinin təşkilatçılığı ilə həyata keçirilir. Yarış zamanı kodokan mütəxəssislərinin iştirakı ilə təlim sessiyaları da keçirilir. Mötəbər turnirə iyulun 27-də yekun vurulacaq.

Dİgər xəbərlər

09.05.2026, 22:35

Qadın güləşi üzrə komandamız Rioda 4-cü oldu

09.05.2026, 21:10

Olimpiadanın son günündə daha 4 idmançımız yarışacaq

18.02.2026, 16:19

Trek xəttinə tərəf qaçan it fotofinişə düşüb - FOTO

18.02.2026, 10:08

Milan-Kortina-2026: Bu gün sonuncu təmsilçimiz olimpiadada mübarizəyə başlayır

17.02.2026, 17:41

Burgerdən zəhərlənən idmançıların vəziyyəti yaxşılaşıb

17.02.2026, 17:08

Ana və oğul Qış Olimpidasının tarixinə düşdülər

17.02.2026, 16:30

Norveçli xizəkçi uğursuz çıxışdan sonra meşəyə girdi

17.02.2026, 14:35

Azarkeşlər Qrenlandiya bayraqlarını yarışa gətiriblər

17.02.2026, 13:51

Ölkəsinə və özünə ilk Olimpiya çempionluğunu qazandırdı

16.02.2026, 18:36

Milan-Kortina-2026: Norveç liderliyini davam etdirir

16.02.2026, 14:44

19 yaşlı hokkeyçi olimpiadada tarixi nəticə əldə edib

16.02.2026, 14:10

Daha bir idmançı yıxılaraq ciddi zədə alıb

SON XƏBƏRLƏR

BÜTÜN XƏBƏRLƏR