Azərbaycan cüdoçusu Ruslan Paşayev VI İslam Həmrəyliyi Oyunlarında komandamıza növbəti bürünc medalı qazandırıb.
Olimpnews.az xəbər verir ki, -66 kq çəki dərəcəsində mübarizə aparan təmsilçimiz üçüncü yer uğrunda görüşdə qırğızıstanlı Erbol Abasbekova qalib gəlib.
Daha əvvəl digər cüdoçularımızdan Könül Əliyeva (-48 kq) gümüş, Aydan Vəliyeva (-52 kq) isə bürünc medal qazanıb.
Qeyd edək ki, görüşü Milli Olimpiya Komitəsinin vitse-prezidenti və İSSA-nın ikinci vitse-prezidenti Çingiz Hüseynzadə, MOK-un baş katibi Azər Əliyev və vitse-prezidenti Fərid Mansurov izləyiblər.
