Beyləqan rayonu ərazisində xocavəndli məcburi köçkünlər üçün salınmış Xocavənd qəsəbəsində ümummilli lider Heydər Əliyevin anadan olmasının 91-ci ildönümü münasibətilə voleybol üzrə rayon birinciliyi keçirilib.
Ümummilli lider Heydər Əliyevin anadan olmasının 91-ci ildönümünü qeyd etmək, əhalinin asudə vaxtını səmərəli təşkil etmək, idmanın voleybol növünü kütləviləşdirmək məqsədilə keçirilən yarışda 8 komanda iştirak edib.
Yarışın nəticələrinə əsasən, Tuğ kənd komandası birinci, rayon polis şöbəsinin kollektivi ikinci, uşaq-gənclər idman məktəbinin komandası isə üçüncü yerə layiq görülüb.
Yarışın qalibləri diplom və qiymətli hədiyyələrlə mükafatlandırılıblar.
jpg-1721726907.jpg)
