Rio-2016 Yay Olimpiya Oyunlarında yarışlar davam edir.
Yarışların 9-cu günündə yunan-Roma güləşçiləri Rövşən Bayramov və Elvin Mürsəliyev mübarizəyə qoşulublar.
"Olimpnews.az” xəbər verir ki, turnirdə 75 kq çəki dərəcəsində yarışan güləşçimiz, ilk Avropa Oyunlarının qalibi Elvin Mürsəliyev 1/16 final mərhələsində Misir təmsilçisi Mahmud Fevzi Rəşad Sebye ilə üz-üzə gəlib.
Rəqibini məğlub edən Elvin Mürsəliyev səkkizdəbir final mərhələsinə yüksəlib.
Onun növbəti rəqibi Qazaxıstan idmançısı Doshan Kartıkov olub. Yunan-Roma güləşçimiz rəqibini mübarizədən kənarlaşdıraraq ¼ finala adlayıb.
Elvin Mürsəliyev bu mərhələdə macarıstanlı, dünya və Avropa çempionu Peter Başçi ilə bacara bilməyib.
Güləşçimiz rəqibə məğlub olaraq Rio-2016 Olimpiadasında mübarizəni dayandırıb.
jpeg-1735600314.jpeg)
