Azərbaycanın və Gürcüstanın birgə ev sahibliyi edəcəyi qadın voleybol komandaları arasında Avropa çempionatının başlanmasına 100 gün qalır.
Olimpnews.az saytının məlumatına görə, Avropa çempionatı sentyabrın 22-dən oktyabrın 1-dək keçiriləcək. Gürcüstanda cəmi bir qrupun görüşləri və 1/4 final mərhələsinin oyunları olacaq. Digər üç qrupun görüşlərindən biri Göygöldə, ikisi isə Bakıda keçiriləcək. 1/2 final və final görüşləri də Bakıda təşkil olunacaq.
Qeyd edək ki, Azərbaycan millisi A qrupunda Almaniya, Polşa və Macarıstan yığma komandaları ilə birgə mübarizə aparacaq. B qrupunda Gürcüstan, İtaliya, Xorvatiya və Belarus yığmaları yarışacaq. Rusiya, Türkiyə, Bolqarıstan və Ukrayna milliləri C, Serbiya, Niderland, Belçika və Çexiya yığmaları isə D qrupunda güclərini sınayacaqlar.
jpg-1721726907.jpg)
