Qovulan məşqçinin cəzası azaldıldı

09:25 18.10.2018
12302

AFFA-nın Apellyasiya Arbitraj Tribunalının qərarına əsasən "Sumqayıt” FK tərəfindən verilmiş apellyasiya şikayəti qismən təmin edilib.

XVII Topaz Premyer Liqasının V turu çərçivəsində 23 sentyabr 2018-ci il tarixində keçirilmiş "Keşlə” – "Sumqayıt” oyununda qeydə alınmış qayda pozuntusuna dair "Sumqayıt” FK-nın məşqçisi Anton Dioçenko barədə AFFA İntizam Komitəsinin 25 sentyabr 2018-ci il tarixli qərarı qismən dəyişdirilib. Beləliklə "Sumqayıt” FK-nın məşqçisi Anton Dioçenkonun aqressiv davranış və hakimə qarşı fiziki təsir göstərdiyinə görə cəzalandığı oyun sayı 10-dan 5-ə, klubun barəsində 8000 manat məbləğində müəyyənləşdirilmiş cərimə isə 4000 manata endirilib.