Beynəlxalq Gimnastika Federasiyası (FIG) parkuru gimnastika növlərindən biri kimi qəbul edərək təşkilatın nizamnaməsinə daxil edib. Bu barədə FIG-in mətbuat xidmətinin yaydığı məlumatda bildirilir.
Həmin qərar FİG-in dekabrın 2-dən 3-dək Bakıda keçirilən 82-ci Konqresində qəbul edilib.
FIG 2017-ci ildə test rejimində parkur üzrə dünya kubokunun iki mərhələsini keçirib. Yarışlar Fransanın Monpelye və Çinin Çendu şəhərlərində təşkil olunub. Parkur növü üzrə ilk rəsmi dünya çempionatının 2020-ci ilin may-iyun aylarında keçirilməsi planlaşdırılır.
