Fevralın 15-də Azərbaycan Milli Paralimpiya Komitəsi (AMPK) ilə Bakı Nəqliyyat Agentliyi (BNA) arasında anlaşma memorandumu imzalanıb.
Hər iki qurum arasında qarşılıqlı əməkdaşlığa dair anlaşma memorandumunu AMPK-nın prezidenti İlqar Rəhimov və BNA-nın İdarə Heyətinin sədri Vüsal Kərimli imzalayıblar.
Sənədə əsasən, BNA bu ilin mayında Bakıda keçiriləcək paracüdo üzrə beynəlxalq Qran-Pri turnirinə nəqliyyat məsələlərində kömək göstərəcək.
Xatırladaq ki, paracüdo üzrə beynəlxalq Qran-Pri turniri mayın 13-14-də Bakıda keçiriləcək. "Tokio 2020” Yay Paralimpiya Oyunlarına vəsiqə qazandıran belə bir yarış ölkəmizdə ilk dəfə keçiriləcək. Turnirdə 43 ölkədən 250 idmançının iştirak edəcəyi gözlənilir.
