Qazaxıstanı təmsil edən azərbaycanlı gimnast Pirməmməd Əliyev yarış təəssüratlarını "Olimpnews.az” saytı ilə bölüşdü.
- Yarışlara ciddi hazırlıq prosesi keçmişdim. Doğma Bakıda keçirilən Dünya kuboku yarışları Tokio-2020 Olimpiadasına lisenziya xarakteri daşıdığı üçün çox önəmlidir. Bəzi səhvlərim olsa da, çıxışımdan ümumilikdə razıyam.
Yarışın təşkilatçılıq səviyyəsindən çox razıyam. Burada bizim üçün hər bir şərait yaradılıb. Yarışdan əvvəl Milli Gimnastika Arenasında təşkil olunan birgə təlim-məşq toplanışları çox yaxşıdır. Tamaçıların dəstəyi xüsusi ilə xoş oldu. Sinxron yarışlarında ümid edirəm ki, bundan da yaxşı çıxış edəcəyəm.
Məlumat üçün bildirək ki, Bakıda batut gimnastikası və tamblinq üzrə ilin ilk Dünya Kuboku yarışı keçirilir.
Turnirdə 30 ölkədən 160-dən artıq gimnast mübarizə aparır.
Yarışlara sabah yekun vurulacaq.
