İdman kanalı yenilənəcək

İdman kanalı yenilənəcək


AzTV-də rəhbər dəyişikliyindən sonra dövlət televiziyasının tərkibində fəaliyyət göstərən "İdman Azərbaycan" kanalında da dəyişikliklər baş verdi. Hazırda idman kanalına direktor əvəzi Siyavuş Əliyev başçılıq edir.
Siyavuş Əliyev fanat.az-a verdiyi açıqlamasında baş verəcək verən yeniliklərdən danışıb:
"Yayımda artıq yeniliklər görünür. "Real" - "Barselona" oyununu yayımladıq. İngiltərə Kubokunun və milli komandaların seçmə mərhələ oyunlarının yayım hüququnu almışıq. Başqa yeniliklər də olacaq.
Futbolsevərlər yaxın vaxtlarda kanalda Topaz Premyer Liqası ilə bağlı yeni verilişlər görə biləcəkmi? Tanınmış şərhçi bildirib ki, artıq yeni veriliş hazırlanır:
"Yerli çempionatla bağlı da yeni verilişimiz olacaq. Yəqin ki, milli komandaların oyunları ilə bağlı yaranmış fasilədən sonra efirə gedəcək".
Bəs gələn mövsüm hansısa xarici ölkə çempionatlarının "İdman Azərbaycan" kanalı ilə yayımlanmaq etimalı varmı? Siyavuş Əliyevin sözlərinə görə, bu məsələyə yayda aydınlıq gələcək.