«Sərhədçi» İdman Olimpiya mərkəzində bədii gimnastika üzrə 20-ci Azərbaycan birinciliyinə start verilib. Yarışlarda 6 yaş kateqoriyasına və 7 qrup komandasına bölünmüş 133 gimnast iştirak edir. İdmançılar seniorka və yuniorlar, həmçinin 2001-2002, 2003, 2004 və 2005-ci il təvəllüdlü iştirakçılardır.
Azərbaycan birinciliyində «Neftçi» və Bakı Gimnastika Məktəbi, Respublika Kompleks İdman Məktəbi, «Spartak», «Sərhədçi», «Bakı» və Nizami Rayon Uşaq-Gənclər Yaradıcılıq Mərkəzinin gimnastlarından başqa, Xırdalan, Qusar, Gəncə və Sumqayıt idmançıları idmançıları da iştirak edəcəklər.
Qeyd edək ki, birincilikdə proqrama uyğun olaraq Qala-konsert olacaq. Qala-konsert Avropa çempionu, Olimpiya oyunlarının ikiqat iştirakçısı, Azərbaycanın 5 qat mütləq çempionu Aliyə Qarayevanın böyük idmandan getməsinə həsr ediləcək.
Azərbaycan birinciliyi iyunun 25-də başa çatacaq.
